VISITA ARCE A GALICIA
“ EN EL PAÍS DE ALICIA”
12-13 de XANEIRO 2012
Xoves 12:
O xoves ás 10 da mañá
comezamos as nosas actividades sendo recibidos polo Sr. Alcalde de
Poio, Don Luciano Sobral que amablemente deu a benvida aos membros do
grupo e animounos a gozar da paisaxe e das xentes de Poio.
Ás 10,30 entramos no Mosteiro
de Poio e dividímonos en dous grupos, o primeiro grupo dirixiuse á
biblioteca e o segundo percorreu o templo, claustros e museos. Dentro
da igrexa presentamos aos nosos compañeiros a Santa Trahamunda
(imaxe e sarcófago do século IV) relatámoslles a súa lenda
explicando por que a palmeira forma parte do escudo da nosa vila.
Na biblioteca, amablemente
dirixidos polo ancián pai Jerónimo, puidemos admirar algúns dos
marabillosos tesouros bibliográficos que garda esta: un pergamiño
en rolo, unha biblia políglota en sete idiomas de 1655-57, un libro
de fotografías do cancioneiro da Vaticana, un catecismo en imaxes
destinado á cristianización dos indios americanos, etc.
Impresionounos o importante número de fondos cos que conta e a
dedicación do pai Jerónimo á súa custodia e conservación.
Ás 12, xa camiño do IES,
dirixímonos cara á praia de Combarro onde se atopaban traballando
As Mariscadoras polo que puidemos explicarlles a gran importancia
destas mulleres dentro da economía familiar dos poieses e o papel
fundamental que desenvolven como nais e traballadoras.
Chegados ao IES fomos recibidas
polo equipo directivo; xa na biblioteca a sra. Concelleira e a sra.
Directora dirixiron unhas palabras de benvida e acollida ás
compoñentes do grupo, ademais realizouse un intercambio de
agasallos.
Despois os membros do grupo
realizaron unha sesión de traballo:
- O primeiro punto foi a posta
en común sobre as obras lidas no primeiro trimestre: Arrugas
de Paco Roca, Tintín
e o misterio do unicornio
de Hergé, Los juegos
del hambre de Suzanne
Collins, Males de
cabeza de Fran Alonso
e Hola o mi amor, yo
soy tu lobo de Luís
Alberto de Cuenca; realizamos unha pequena valoración destas
lecturas.
Acordamos as lecturas para o
segundo trimestre: Un
ollo de vidro de
Castelao, o Clan da
loba de Maite
Carranza, Isto e Iso
de Raúl Vacas.
Programouse o próximo encontro
en Barcelona -alumnos e profesores participantes, concreción de
datas, hoteis, actividades e visitas, celebración de san Jordi,...-
acordouse que Canarias comezase as xestións.
Ademais expúxose a posibilidade
de solicitar a renovación do proxecto para os dous próximos cursos,
a documentación a entregar coa memoria e as datas de entrega.
16,30 /18,30 PM visita guiada a
Combarro (Hórreos e cruceiros). Informousenos da distribución
arquitectónica da vila, utilidade dos hórreos e estrutura dos
cruceiros.
19 PM charla sobre a historia da
cidade de Pontevedra impartida polo profesor Luís López de Guereñu
e encontro coa asesora das bibliotecas escolares galegas Pilar
Sampedro.
VENRES 13:
9 AM saída cara a Porriño e
visita á biblioteca do IES Ribeira de Louro (guiada pola
coordinadora da mesma Paz Pereiro). O equipo de ARCE e os dous
profesores do CEIP da Lama (gañadores do primeiro premio de Boas
Prácticas do MEC, 2011) que nos acompañaron na visita fomos
recibidos polo director do centro.
11 AM saída cara a Portugal,
visita a dúas bibliotecas en Valença do Miño (a biblioteca
Municipal e a biblioteca da Escola Secundária). O recibimento en
ambas as bibliotecas foi en grao sumo cordial, no grupo quedamos
gratamente sorprendidos pola gran calidade do traballo realizado
nestas bibliotecas, pola distribución de espazos, as instalacións,
a organización dos fondos e das actividades de fomento da lectura, o
plan nacional de lectura, etc.; realizamos preguntas que foron
respondidas con moita amabilidade. Facilitóusenos o acceso a todo o
material que solicitamos. Concluímos trala visita que as bibliotecas
portuguesas son un bo modelo a seguir nas bibliotecas españolas
13,30 PM comida en Valença
típica.
16 PM visita á Fortaleza de
Valença guiada por Paz Pereiro.
A noticia do noso encontro sae
publicada nos diarios locais: O faro de Vigo e o Diario de
Pontevedra.
SÁBADO 14:
Nas primeiras horas da mañá
visitamos a cidade e achegámonos a librerías especializadas como
Librería Paz. Realizamos a posta en común final antes de
despedirnos:
Queda pendente a elaboración do
marcapáxinas, enviaranse as imaxes ao IES Tamujal que o finalizará.
Falamos dos vos a Barcelona e do
seu custo. Canarias encargarase de xestionar o hotel e preguntar
polos vos.
Elaborarase un libro virtual cos
resultados do proxecto.
Acórdase comunicarse co MEC
para preguntar sobre o o formato e puntos de interese da memoria.
Acordamos enviar a memoria definitiva de cada centro ao centro
coordinador antes do 30 de maio.
Decídese solicitar a renovación
do proxecto na modalidade C e en caso de ser concedida rotar a
coordinación polo que Galicia sería o próximo centro coordinador.
Actualizar as direccións de
e-mail de todos os participantes.
Resumo do encontro, concrétanse
os agradecemento que haberá que enviar desde os centros (
bibliotecas, adega, etc..).
DESPEDIDA ata Barcelona.
1 comentario:
Menuda vidorra vos dades. Voume a apuntar á biblioteca de contado. Unha aperta.
Publicar un comentario