miércoles, 16 de diciembre de 2015

De amores e desamores adolescentes

Compartimos con todos e todas vós o son da voz rota de Jacobo e as palmas de Marcos que nos agasallaron na bibliotecas coas súas historias de amor e desamor; versos feitos música:

lunes, 14 de diciembre de 2015

Explorando na biblioteca: Libros informativos (II)

Esta vez é a Metamorfose de Kafka na sección de Filosofía.
 Da man de:
Laura Otero de 1º de bacharelato A:

domingo, 13 de diciembre de 2015

BO NADAL 2015

100000757637060 on piZap.com

Explorando na biblioteca: os libros informativos.

COMO FOSILIZAR A TU HAMSTER Y OTROS EXPERIMENTOS ASOMBROSOS PARA CIENTIFICOS DE BUTACA.


                                      Mick O'Hare
Booktrailler de Paula Andrés (1º bacharelato A)

jueves, 3 de diciembre de 2015

Xogo de pistas na biblioteca



Despois de varios días de duras tarefas na aula pelexando cos dicionarios, as definicións, a orde alfabética e a organización das bibliotecas, por fin chegou o día de gozar máis que nunca co aprendido.

Os rapaces e rapazas de 1º de ESO C realizaron unha procura de libros a partir dun xogo preparado pola profe de lingua. Ademais de atopar cada un dos libros, tiveron que colocalos de novo no lugar axeitado, e todo antes que os equipos rivais!. Fixérono estupendamente e pasámolo en grande!

Ademais, conseguimos coñecer de primeira man os fondos da biblioteca que nos poden interesar para ler durante as próximas vacacións de Nadal, sacando dos andeis os libros máis apetecibles.

A clasificación xeral foi a seguinte:

1º: Gabriel e Anxo
2º: Aroa e Ángela
3º: Dylan e Julio
4º: Antón e Abraham
5º: Suli e Ainhoa
6º: Lúa e Lisa
7º: Sandra e Lucía
8º: Elisa e Carlota



miércoles, 2 de diciembre de 2015

Tamara Andrés gaña o Premio de poesía O Facho 2015.


Tamara Andrés A nosa querida ex-alumna Tamara Andrés Padín vén de gañar o Premio de poesía O facho 2015 coa obra Nenæspiraes . Coñeciamos a Tamara Andrés coma narradora pola súa obra "A mentalista" que xa presentou na nosa biblioteca. Agora nos sorprende co seu segundo poemario publicado e premiado. Queremos felicitala e por suposto convidala a presentar este libro de poesía rodeada dos lectores e lectoras da biblioteca do IES de Poio que moito a aprezamos.

Parabéns, Tamara.

E en primicia, agasállanos cun poema do seu libro:

A fame dos poetas

O corpo da meniña deitado na mesa.
Cando as luvas abrazan as túas mans,
inicias a intervención.

Limpas a pel arredor do embigo
e fas unha incisión á dereita del.
Tiras da membrana e, pouco a pouco,
vas descubrindo cada músculo.

Dáslle a volta
(a cabeza continúa na mesma posición),
prosegues a túa tarefa
e logo retiras, un a un,
todos os músculos.

Levas as mans ensanguentadas á boca
(bebes,
tamén lambes a carne),
e cando xa non queda nada máis que o esqueleto,
limpas ben todos os ósos,
fonte da medula,
e clavas nun deles a palla
(bebes,
lambes tamén os teus propios beizos;
que pouco che gusta cociñar, pensas).
Arrincas o que queda da pequena
(as pernas, ben carnosas,
os brazos, ben mornos,
a face, ben doce, ben lene),
e deixas as sobras na esquina,
a carón da vasoira,
por se a algún dos teus compañeiros
lle entra a fame.





viernes, 27 de noviembre de 2015

"Querido Balbino", sempre te levaremos no corazón:

Tralo pasamento de Xosé Neira Vilas retomamos os seu paso polo noso blog nas mas do noso alumnado:



Aqueles anos do Moncho, cando cumpría 50 anos:

http://aszocasfaladoras.blogspot.com.es/search/label/Neira%20Vilas

E nas Xornadas de bibliotecas escolares galegas no 2010:

http://www.edu.xunta.es/biblioteca/redeBE/mod/resource/view.php?inpopup=true&id=242


EnREDandoversos con Neira Vilas:

http://enredandoversos.blogspot.com.es/2013/08/enredando-versos-con-neira-vilas.html


Que a súa man descanse na man de Anisia Miranda.





domingo, 22 de noviembre de 2015

viernes, 6 de noviembre de 2015

Práctica de formación de usuarios na biblioteca.

Os fondos da nosa biblioteca estaban un pouco desordeados e a profe Cristina e o profe Carlos do equipo da biblioteca decidiron, moi sabiamente, que os rapaces e rapazas aprenderían a manexarse mellor se reordenaban eles e elas estes fondos:
Sesión práctica de Formación de usuarios...

Formando usuarios na biblioteca on PhotoPeach

jueves, 5 de noviembre de 2015

LECTURAS DE OUTONO

 
cuberta-coma-unha-ancora-1











Chegou o outono coas súas tardes nostálxicas e o   pracer de quedar na casiña acompañados dunha boa lectura; seleccionando e compartindo atopamos unhas novelas máis que recomendables para acompañarnos nas tardes molladas, quizais do melloriño que atopamos nas bibliotecas e librerías, combinan o bo facer co goce da lectura da obra de lecer:
  • Francisco Castro con TES ATA AS 10 enganchános nunha vertixe ao compás das novas tecnoloxías, mensaxes do alén que nos collen da man para relatar unha historia de amor ( pasado e presente) e desamor, os silencios obrigados da época de posguerra, o poder da información, dos cartos e da sociedade nos dous eixes xeográfico..s galegos (Vigo e A Coruña) e unha intriga que fai que non abandones a lectura ata o fin sorprendente… compartíremolo no club de lectura do 2º trimestre.
  • Héctor Cajaraville con DE REMATE  conquístanos co pracer da mensaxe do xornalismo acompañado da confidencia do relato íntimo do diario, desde o primeiro capítulo, independencia de creación e de opinión, cunha estrutura moi traballada e orixinal pola mestura de xéneros, coa frescura da inmediatez dos medios de comunicación.
  • Un pracer descubrir a prosa poética ou a narrativa lírica do primeiro capítulo de COMO UNHA ÁNCORA de Iria Collazo López, unha linguaxe fermosa, coidada, chea de sons e de sabores do mar arroupan a traxedia; os vellos costumes, a represión e a loita pola supervivencia en tons líricos, un regalo para os sentidos nun Morrazo da época.
  • E como non podía ser menos, o agasallo de EUROPA EXPRESS de Andrea Maceiras, merece capítulo aparte esta historia da procura da identidade, das respostas crúas; unha viaxe en interrail por Europa que é unha realización dun soño a par que unha aprendizaxe. Namorámonos de Nico, de Xacobe, de Mía, de Piero… de Aroa, personaxes e compañeiros, amigos que  “sen acuse de recibo” e tras o “xiro postal” arriban ao “franqueo de destino” dez anos despois.
Un día de choiva e o lume, unha presa de castañas e unha boa historia para compartirmos un outono cheo de imaxes e de palabras.

E quédannos por ler LOURENÇO XOGRAR  de Manuel Portas e OS ELEFANTES DE SOKÚROV de Riveiro Coello, quen dá máis calidade???

Que o gocedes...

martes, 3 de noviembre de 2015

Habitaciones cerradas de Care Santos



Hai xa un par de veráns lin, por que no verán é cando leo en castelán, a novela "Habitaciónes cerradas" de Care Santos na edición do Círculo de lectores; eu coñecía a Care Santos polas súas obras  de literatura xuvenil e a miña valoración das lecturas era moi positiva.

"Habitaciónes cerradas" era a primeira obra de literatura para adultos que lle lía (se existe unha barreira entre literatura de adultos e literatura xuvenil) e estiven encantada, gustoume a intriga, o xogo temporal, a mistura de narrativa e xénero epistolar, o retrato da Barcelona das épocas, o deseño dos personaxes...
Tanto así que o verán seguinte animeime con "Deseo de chocolate" e novamente estiven enganchada ata o final.

 Creo que Care Santos coñece os gustos do lector, do xuvenil e do adulto, e sabe conquistarnos con historias mistura de intriga e romanticismo sen caer no cursi de moitas escritoras romanticas e coidando a estrutura e a linguaxe.

Hoxe estrean na TVE a versión en miniserie de " Habitacións cerradas" esperemos que a adaptación da novela ao cine non nos desencante, polo de pronto haberá que vela.


miércoles, 28 de octubre de 2015

150 ANOS CON ALICIA.

ALICIA está de aniversario, cumpre nada menos que 150 anos desde que viu a luz da pluma de LEWIS CARROL, e na nosa biblio queremos celebralo con todos e todas vós.


Pasade pola biblio e poderedes ver a exposición das distintas edicións e recreacións da obra que desta xoia da literatura universal temos na nosa biblioteca.

( Non é a exposición de Nova York pero é:
http://www.sermosgaliza.gal/articulo/cultura/galego-presente-no-150-aniversario-alicia-no-pais-das-marabillas/20151013182445041539.html ).

Esperámosvos.


lunes, 26 de octubre de 2015

Pregón, fotos de familia, clubs e coordinadoras no Día das bibliotecas 2015.


A celebración do Día da biblioteca serviunos para reunir a todos os clubs e presentar as súas coordinadoras… e tivemos CHEO:
20151026_114759


E puidemos escoitar o pregón da man de Ingrid, Carmen e Ainara:
20151026_113942

viernes, 23 de octubre de 2015

Día da biblioteca

Este curso inauguraremos o curso lector celebrando o día da biblioteca; reunirémonos o vindeiro luns no tempo de lecer na nosa biblioteca para explicar en que consiste esta data sinalada no calendario da lectura e un grupo de alumnas, do club de lectura, lerán para todos e todas nós o pregón do día da biblioteca, traducido ao galego e que é da autoría de Diego Arboleda.

Logo faremos a foto de familia de todos os lectores e lectoras, das coordinadoras,  dos clubs de lectura 2015/16 "Os trasnos dos libros".

Mirade que triptico preparamos para esta celebración:


martes, 13 de octubre de 2015

Reunión inicial club de lectura 1º ESO, Lecturas coma pulgas


O vindeiro mércores, 21 de outubro, faremos no recreo a reunión inicial do club de lectura de 1º de ESO. Nesta reunión coñecerémonos todos e todas, explicaremos o funcionamento do club e asinaremos o noso contrato de lectores.

Como somos un montón, nada máis e nada menos que 31 alumnos e alumnas, dividirémonos en dous grupos de lectura para que todos e todas poidamos participar e pasalo ben.  Será na reunión do próximo mércores cando nos distribuiremos nos grupos, así que non faltedes á cita.

Ao longo desta semana avisaremos polas aulas para que non se voz esqueza. Comezamos!!!

viernes, 18 de septiembre de 2015

CURSO 2015/16, NOVIDADES, PREPARÁNDONOS PARA INICIAR UNHA NOVA ANDAINA ENTRE LIBROS.

Ola a todos e todas, alumnos e alumnas do IES de Poio:
Moitos xa sodes vellos coñecidos e outros aínda ides coñecernos; este curso que iniciamos esta semana ten algunhas novidades relacionadas coa biblioteca que agora vos presentamos:
  • Para comezar chéganos desde a Asesoría das BIBES galegas un novo cartel que acompañado dun novo lema marcará a liña de traballo para este curso: "Biblioteca escolar, base de exploracións" da autoría do ilustrador e autor de banda deseñada Fran Bueno.

  • Ponse en marcha (coa implantación da LOMCE en 1º de ESO) unha nova materia de Libre Configuración relacionada coa formación en información (ALFIN) e coa biblioteca: INEIN, investigación e tratamento da información que será impartida nos cinco grupos que este ano temos en 1º de ESO.



Preparándonos pois para explorar, investigar e aprender a informarnos...

ESPERÁMOSVOS NA BIBLIOTECA !!!!!!!!!

miércoles, 3 de junio de 2015

Entrega de premios do III certame de Banda Deseñada AX1




Na tarde de onte participamos na entrega de premios do  III certame de Banda Deseñada AX1 en Compostela, no IES Arcebispo Xelmírez 1, acompañando aos nosos alumnos Alba Jiménez Pello e Mario Caldas Acuña.

Foi moi emocionante cando recibiron o seu diploma e escoitamos as palabras do xurado ao xustificar a escolla da súa obra por:

" O seu detallismo, por unha obra que xoga a indisciplinarse, cun viñetado que rompe co esquema establecido, aproveitando ben o esquema da páxina. Os autores  , partindo dunha base aparentemente pouco ambiciosa, preséntannos unha historia libérrima e orixinal, que fía, viñeta a viñeta, unha encantadora araña que protagoniza á vez unha historia paralela".

Transmitíronnons tamén os parabéns para o profesor, Francisco Ríos, que abríu as súas mentes e os seus lapis para realizar esta fermosa composición.

O premio foi outorgado polo EDL do IES Xelmírez 1 e pola Secretaría Xeral de Política lingüística. 

Parabéns para todos eles.




sábado, 30 de mayo de 2015

LORENZO, O LADRÓN DE COMICS

ALBA JIMÉNEZ PELLO e MARIO ACUÑA CALDAS de 1º de ESO B 
veñen de gañar  o 2º premio do certame de comics AX1 organizado polo equipo de Dinamización Lingüística do  IES Arcebispo Xelmírez 1:

" Ben prezados/as compañeiros e compañeiras do IES de Poio:  reciban en primeiro lugar un afectuoso saúdo de parte da comisión organizadora do 3º Certame de Banda Deseñada AX1. Agradecemos sinceramente a participación seu alumnado nesta edición e agardamos poder contar de novo co seu apoio en futuras convocatorias do certame. É para nós un honor comunicar que, entre os traballos presentados a concurso desde o IES de Poio, resultou gañador do 2º premio do certame, na categoría de 12 a 16 anos, a obra Lorenzo, o ladrón de cómics; parabéns"

Mirade que marabilla:





miércoles, 27 de mayo de 2015

Imos de librerías (I): Datos.

Dúas librerías pechan cada día. 
Hai pobos onde non hai ningunha librería (7.310).
No noso país non len acotío máis dun 30% das persoas.
O ano pasado pecharon en España 912 librerías.

Galicia, con 305 locais, é a comunidade con maior número de librerías por cen mil habitantes (14,4), moi por enriba da media nacional (7,8).

Datos alarmantes que lemos en "El País" e preguntámonos:

 Se desaparecen as librerías que vai ser das bibliotecas???

Por se acaso, mañá nós, quedamos cun grupiño de 2º de ESO para ir de librerías, xa vos conteramos como nos foi.

miércoles, 20 de mayo de 2015

O imaxinario da literatura galega dos últimos dez anos (Cultura galega)

Da man de Cultura galega :
chéganos este estudo estatístico sobre o imaxinario da literatura galega desta última década:

  • Predomina a ambientación temporal no presente.
  • As historias preferen os espazos non reais.
  • O drama e o fantástico son os subxéneros máis desenvolvidos.
  • Personaxes: Homes 40/ Mulleres 32, os protagonismos están moi igualados.

martes, 19 de mayo de 2015

AS LETRAS GALEGAS NA BIBLIOTECA DO IES DE POIO (2009/15)

Un percorrido polos escritores e escritoras que nos visitaron desde 2009 ata o presente curso na sección de "Encontro co autor" de animación á lectura; calidade e variedade e algúns deles repetiron... 

Graciñas a todos e a todas:

miércoles, 13 de mayo de 2015

Gracia Santórum preséntanos o seu blog de álbum ilustrado: TRAFEGANDO RONSEIS ILUSTRADO.

E entre os moitos presentes que Gracia nos trouxo na súa gran maleta vermella había unha sorpresa: O seu blog adicado exclusivamente ás recensións de álbumes ilustrados:

Trafegando ronseis ilustrado:

http://trafegandoronseis1.blogspot.com.es/

unha marabillaaa,  podemos atopar unha valoración de cada álbum tras as imaxes, clasificalos por temas, autores...
Parabéns aautora por este colosal traballo:



Gracia Santórum: Unha xoia na lectura e interpretación do álbum ilustrado.

 
No día de onte tivemos o pracer de recibir na nosa biblioteca e participar nun obradoiro de Álbum ilustrado e igualdade impartido pola profesora e “docta no tema” Gracia Santórum.
Comezamos a sesión cun pequeno divertimento, un poema en lingua “macarrónica” e ao lelo a profe, os que estaban dispersos puxeron cara de
“Ohhhhhhh!!! en que lingua nos está a falar esta profe…”
Logo explicounos en que consistía o “truquis” e…. xa estabamos enghanchados!!!!.
Lemos álbumes, nós, ela, creouse un clima de imaxinación… entramos no museo da ilustración e sen paghar a entrada!!!
“Canto por descubrir e soñar…, marchamos do centro con paxariños no bandullo (pola fameee…) e un sorriso nos ollos”.
E xa pola tardiña, despois dun agradable descanso, as profes puidemos gozar dun obradoiro privado para nós con Gracia Santórum, “Un luxo” coma comentaron algúns dos participantes.
Este agasallo dos deuses trasladounos ao mundo das palabras ilustradas, con e sen texto, a historia, as categorías e os temas… as palabras máis repetidas na sesión foron “e este que é un dos meus preferidos…”, unha marabilla os álbumes e a comunicadora.
Unha maleta chea de tesouros que pasaron polas nosas mans, polas nosas mentes, acariñadas, tocadas, saboreadas…todos os sabores e unha chea de libros sobre a mesa… malia os que non puidestes coma nós gozalo.
Os nosos agradecementos a Gracia polo agasallo, mais tamén a Paz, a Manoli, e a Montse por compartilo.

      
20150512_175128
20150512_172745
20150512_172755
20150512_190050





miércoles, 6 de mayo de 2015

POESÍA POR UN TUBO

E que nós de CARLOS NEGRO aprendémolo todo nestes xogos poéticos na aula: O chocolate, as escenificacións, os recitados... e a POESÍA POR UN TUBO;  e que pracer en probar novas sensacións e modos para gozar da poesía, escollemos o poemario, o poema, o compañeiro de xogo... saímos da aula para concentrarnos e xa está, estes son os resultados deste pequeno divertimento lírico:

POESÍA POR UN TUBO on PhotoPeach

miércoles, 29 de abril de 2015

A sensación de chorar lendo un libro...


  



  A sensación de chorar lendo un libro e chorar vendo unha película é moi diferente; a sensación máis bonita que eu nunca tivera foi chorar mentres lía O corazón de Xúpiter

    Esa sensación de non poder seguir lendo porque as bágoas anúbranche a vista e non dás lido as letras do libro.
   Iso é o máis bonito que te pasa lendo, é indescriptible...

                                    IRIA BESADA

                                                        CLub de lectura de 2º de ESO.




jueves, 23 de abril de 2015

Os personaxes do comic toman a nosa biblio:

E mirade que chegou esta semana á nosa biblio para celebrar connosco o Día do Libro e acompañar a Xosé Tomás: