23 DE ABRIL: PERSOAS LIBRO NO IES DE POIO

Co gallo da celebración do Día do libro un grupo de 25 alumnos de 3º da ESO dos grupos A, C e D representarán como "persoas libros" a distintas figuras das novas xeracións de poetas en galego e castelán intentando contaxiar aos seus compañeiros do poder engaiolador da lírica.

Durante todo o recreo de mañá e en parellas, achegaranse aos seus compañeiros para agasallalos neste día cun fermoso poema.

Ademais durante o día de hoxe encheron as portas das súas aulas de versos en pos-it. Mañá tamén levaremos as lecturas fóra da aula.

                                                                                                       Boa sorte para todos eles.

Vídeo de Día do Libro 2013: Lecturas ao Sol e Persoas Libro.: Biblioteca’s trip to Poio, Galicia / Galiza, España (near Pontevedra) was created with TripAdvisor TripWow!

SAN JORDI 2012: Os escritores asinan as súas obras no Día do libro

Sen dúbida un dos maiores atractivos da celebración de Sant Jordi, a maiores do agasallo do libro e a rosa, é admirar en persoa aos autores das nosas obras favoritas e que nos asinen os seus libros.

O listado de autores era interminable, nesta presentación achegamos un pequeno botón de mostra deles, os que buscamos con anseios arriba e abaixo das Ramblas (aínda que non o creades foi agotador da cantidade de persoas que alí había).

Sant Jordi 2012: Os escritores asinan as súas obras no Día do libro. on PhotoPeach

CELEBRAMOS O DÍA DO LIBRO CON CARLOS NEGRO (II)

Esta mañá puidemos gozar da compañía do escritor Carlos Negro que quixo formar parte da nosa Celebración do Día do Libro.

O autor puxo en escea, recitounos o seu libro de poesía Makinaria; comezamos o acto coa lectura das valoracións que do seu lpoemario fixeron Tatiana, Sabela, Nerea e Iriana (1º de bacharelato), deseguido comezou o escritor falándonos da poesía: "A poesía ten o poder do sonido, os poemas teñen a forza da palabra en vivo"..." A poesía ten a dimensión da forza no ritmo, a forza da comunicación"

Contounos Carlos Negro que para escribir o libro se inspirou nun grupo de mozos determinados, pero pensa que non todos os mozos son coma os protagonistas de Makinaria. Ao tempo, e de capítulo en capítulo foi colocando sobre a mesa un grupo de coches de xoguetes que simbolizaban o cemiterio, un coche por cada un dos mortos que cada ano se producen nas estradas galegas.

A parte da súa obra que máis lle gusta é No way por que fala da dobre visión pais-fillos, é unha especie de diálogo; a última parte é a oración de despedida do mozo.

Ás preguntas do auditorio díxonos que a literatura ten o poder de que o escritor poida imaxinar cousas que non viviu, el escribe poesía por que lle permite expresar o que quere.

Logo regalounos a todos unha caixiña que contiña uns versos de amor de autores galegos vivos e un sugus e tivemos que compartir os nosos versos cos demais. Despois leunos o fermoso conto "Frederick" de Leo Lioni que nos axuda a comprender a poesía.

Como despedida recitounos o poema co que agasallou ás bibliotecas escolares galegas e que fala da súa visión da lectura.

Un encontro entrañable coa poesía e con Carlos Negro; moi agradecidos ao autor pola súa marabillosa posta en escea que todos disfrutamos, nada mellor para conmemorar o día do libro.

CELEBRAMOS O DÍA DO LIBRO CON CARLOS NEGRO

No día de mañá celebraremos o día do libro  (23 de abril, que como sabedes coincidiu coas vacacións) co escritor Carlos Negro; os alumnos do IES de POIO imos ter a sorte de falar en persoa co autor de MAKINARIA, unha obra moi orixinal, pola súa forma -narrativa escrita en verso- e pola súa estrutura, as distintas partes estan organizadas coma se  dunha canción se tratase, cos seus títulos moi significativos, algúns deles relacionados coa música ou cos video xogos.

A adrenalina producida pola velocidade que trae nefastas consecuencias na vida dos xoves, sobre este tema reflexionaremos e debateremos co autor.

Esperamos que nos lea tamén o poema que escribiu sobre a lectura, celebrando con nós o día do libro. Xa vos contaremos... 

Unha illa de luz na xema dos dedos.

Unha porta sempre entreaberta.

Unha duna cara o vento.

Unha nuba sobre a herba.

Unha casa encantada.

Unha laranxa do paraíso.

Unha pousada no inferno.

Unha man e unha fouce.

Unha carapucha vermella.

Unha bufanda colorada.

Unha alfombra no ceo.

A pulga e o xigante.

A rosa e o cravo.

A serpe e a mazá.

A fonte e o cervo.

A flor da candea.

A fenda do espello.

A lúa na boca.

A tona do tempo.

A pedra e o canto.

A voz e o silencio.

O lugar da lectura.

Carlos Negro

Este poema foi un agasallo do autor ás Bibliotecas Escolares de Galicia no Día Mundial do Libro, enlazamos co blog das Bibliotecas Escolares de donde o compartimos :

http://www.edu.xunta.es/biblioteca/blog/?q=node/376

DÍA DO LIBRO INFANTIL E XUVENIL

Este luns celebraremos o Día do libro infantil e xuvenil (2 de abril). Como xa sabemos esta celebración coincide co día do nacemento do escritor de contos Hans Christiam Andersen e nada mellor para esta conmemoración que unha sesión de contacontos. O acto celebrarase na biblioteca ás 12 da mañá; comezaremos coa lectura da biografía e obra de Andersen na voz de Iván Ferreiro (4º de ESO B), a seguir deleitarémonos cun contacontos na voz do noso incondicional mestre Carlos Núñez Pombo; logo Rubén Matínez (4ºde ESO B) explicaranos o porqué e o como desta celebración e finalmente Paula Sertal (4º de ESO B) lerá o manifesto deste ano escrito pola autora estoniana Aino Pervik:

Os libros dannos a coñecer o que realmente sentían Tom Sawyer, Huckleberry Finn e o seu amigo Jim ao navegar polo Mississippi a finais do século XIX, no momento no que Mark Twain narraba as súas aventuras: el coñecía profundamente o que a xente da súa época pensaba dos demais, porque el mesmo vivía entre eles. El era un deles. As obras literarias que foron escritas na súa mesma época, cando a xente daquel tempo aínda vivía, son as que falan de xeito máis auténtico da xente do pasado.

O libro lembra.

• A la carta
• > Televisión
• > La 2
• > UNED
• > UNED - Pensamientos - Hans Christian Andersen

E para completar este interesante documental de RTVE:  "A tradición dos contos populares" do programa "Imprescindibles":
http://www.rtve.es/television/20110318/tradicion-cuentos-populares-esta-semana-imprescindibles/417780.shtml

UN LIBRO, UN CARAVEL

De novo, O DÍA DO LIBRO, os libros da biblioteca quixeron saír dos andeis; como o tempo non nos favorecía tivemos que ficar na entrada, nas escaleiras, e en todos os lugares posibles, (estas chicas da dirección, María e Elena que nos organizaron persoal e espazos dun xeito orixinal e eficaz, como vedes nas fotos). Profes e alumnas, en compartida tarefa, man a man realizaron o préstamo e distribuíron os carabeis; tod@s colaboraron e disfrutaron cos libros e coa lectura, como debe ser nun día de festa.

Parabéns para tod@s.

DÍA DO LIBRO

Aquí temos os traballos do día do libro dos alumnos de 1º de ESO: Jonathan, Eva, Silvia, Belén, Carmen, Álvaro, Alicia, Nerea, Óscar, Adrián, Silvia, MFRS, Rebeca, Judith, Jessica, Alex, Joel, Jaime e Sara e moitos máis.

Parabéns para todos, polos seus traballos e polas súas opinións sobre a lectura, seguro que no futuro serán uns marabillosos lectores.

PROGRAMA do DÍA DO LIBRO INFANTIL E XUVENIL

O vindeiro luns celebraremos na nosa biblioteca o "DÍA INTERNACIONAL DO LIBRO INFANTIL E XUVENIL" que conmemora o nacemento de Hans Christian Andersen; a nosa biblioteca uniuse a distintas organizacións como a OEPLI (Organización española para o libro infantil e xuvenil) ou GALIX (Asociación galega do libro infantil e xuvenil) para celebralo; estes son os actos que realizaremos con ese fin... cal?????? o de fomentar a lectura, claro.... • Lectura do manifesto pola lectura do escritor ELIACER CANSINO e o cartel de NOEMÍ VILLAMUZA que este ano preparou a OEPLI, e que en todos os países do mundo se lerá ás 12,00 horas ou ás 18,00 horas do día 12 de abril. • Encontro dos alumnos de bacharelato co escritor galego Fran Alonso, autor do libro de relatos “Males de cabeza”. • Exposición escolar sobre o tema de literatura e cine.

Aquí vos deixamos un pequeno fragmento do manifesto: “Así que… non esperes máis, estende a túa man, toma un libro, ábreo, le: descubrirás, igual que na canción da miña infancia, que non hai barco, por pequeno que sexa, que en pouco tempo non aprenda a navegar.” Eliacer Cansino

TRABALLOS DO DÍA DO LIBRO 2009

Aquí temos os traballos do día do libro, elaborados polos alumnos de 1º de ESO:

PARABENS para todos eles polas súas tarefas, anímannos a ler e lémbrannos o valor da lectura:

Open publication - Free publishing - More literatura

Open publication - Free publishing - More educacion

O DÍA DO LIBRO 23/04/09

A BIBLIOTECA saíu, chea de libros e comics, ao patio e á entrada: Os chicos de 1º de ESO agasalláronnos cos seus carteis, os de 4º coas súas fotos traballando a alfabetización: Moitos levamos o noso libro e o noso caravel, algúns quedaron retrasados e levaron libro e marcapáxinas, outros sairon ler ao xardín... todos celebramos o día

ENTRE LIBROS.

O DÍA DO LIBRO

O xoves 23 temos unha cita no xardín co libro e coa biblioteca; escolleremos para ti os comics máis atractivos e as últimas novidades de lectura, "por un libro un caravel e moitas horas de lecer"; entrementres aquí deixamos este vídeo de carteis de fomento de lectura:

"justify">

Preparándonos para o día do libro: 23 de Abril

Agardando a visita de Don Quixote e Sancho o día 23 para animarnos a ler, imos entrando en ambiente con este vídeo de actitudes lectoras: