martes, 10 de enero de 2012

As matemáticas tamén se falan.

Este ano celébrase o XX Rallye Matemático sen fronteiras (para alumnos de 3ºESO e 4º ESO) e máis a XIV Olimpíada Matemática Galega de 2º ESO. Para animar aos rapaces do IES de Poio a participar colgaremos cada semana un problema dos que foron aparecendo nesas probas durante os últimos anos. Os exercicios son de temática variada (álxebra, xeometría, lóxica, probabilidade...) e moitas veces non se parecen en nada ao que facemos na aula, así que olvida os coñecementos matemáticos que teñas. Simplemente, le e pensa.

Problema do Rallye 1:

Farruco e Brais din sempre a verdade, agás o día do seu aniversario , data na que minten. Onte, 5 marzo, preguntóuselles :

«¿Cal é a data do voso aniversario?»

Farruco respondeu : onte.

Brais respondeu: mañá.

Pero hoxe, 6 de marzo, á mesma pregunta cada un deles respondeu o mesmo que onte. ¿Cal é a data de aniversario de cada un?

 Problema da Olimpíada 1:

Temos un cuadrilátero cos catro lados distintos. As súas diagonais son perpendiculares e miden 5 e 8 metros. ¿Canto vale a súa área?

No hay comentarios: