O NADAL DIXITAL

A historia do Nadal en versión dixital, moi curiosa: Que acontecería se o neno Xesús nacera na actualidade?????

SER PROFESSOR

Esta vez vai para nós, coa fin do trimestre, das aulas, dos exames, dos pais... de todos os sinsabores e de todas as clases marabillosas, vai por nós este presente:

O CROMOSOMA DOS DEREITOS HUMANOS de FRAN ALONSO

MEDITAMOS:

No día dos Dereitos Humanos (10-12-2010) deixámosvos estas reflexións de Fran Alonso sobre o tema, a primeira parte do texto é moi crúa (real como a vida mesma):  " ¿Cara a onde camiñamos? ¿Unicamente cara a un mundo gobernado pola cifras? Pois esas mesmas cifras certifican que arredor de 350 persoas ingresan anualmente nas súas arcas particulares a mesma cantidade de diñeiro coa que viven

2.700 millóns de seres humanos".

A segunda e última é máis positiva: " Pero, se temos vontade, a poesía renacerá con ímpeto da crise financeira. Porque se somos capaces de crer no futuro, tamén seremos quen de construílo.

Como John Lennon, asasinado hai trinta anos en Nova York, podemos imaxinar que non existe o ceo. Imaxinémolo. É doado se o intentamos.Se somos quen de crer nos Dereitos Humanos, seremos quen de respectalos. Non pode haber credo máis verdadeiro nin relixión máis universal.

E tamén hai que crer na utopía. Porque só se conseguen as cousas nas que se cre. E porque o respecto aos Dereitos Humanos, construídos a partir da palabra, asentan no individuo o cromosoma máis característico que identifica á nosa especie: a racionalidade."

Accedede ao texto completo: http://www.facebook.com/l.php?u=http%3A%2F%2Fxurl.es%2Ffwr2w&h=693e5

Reflexións sobre os datos PISA 2009, Bibliotecas Escolares e Ensino.

Onte publicáronse as conclusións das probas PISA do 2009: O alumnado galego mellora os seus resultados en comprensión lectora situándose por encima da media española –cinco puntos por encima da media e sete puntos máis adiante con respecto ao 2006- así mesmo progresa en competencia matemática (materia ata agora impatida en galego).

Estes datos lévannos a reflexionar sobre esta evolución que se relaciona directamente coa lingua e coa lectura; fálase de competencia lectora e ao tempo fálase das materias de lingua e literatura e ninguén menciona o labor levado adiante durante estes anos das Bibliotecas Escolares, ou citar os Clubs de lectura dos nosos centros de ensino, algo terán que ver con esta mellora, non si? Desde o meu punto de vista é un labor día a día, lectura a lectura, o noso traballo non é estritamente académico e non por iso menos rigoroso, o alumnado acode a nós para ler e nós abrímoslles portas ao lecer mais tamén á información, a comprensión lingüística, a competencia lectora, a alfabetización…

Relacionado con estes datos de PISA está tamén o futuro do ensino: Son a lectura, a busca de información, a síntese e a análise dos textos o eixe central da aprendizaxe, unha aprendizaxe actual acorde cos novos medios de comunicación e as novas tecnoloxías? Descartaremos por fin o libro de texto como único recurso e levaremos aos nosos alumnos ás biliotecas para consultas miquis, webs educativas, xornais dixitais, blogs, bibliotecas virtuais?

Mellorarán entón os resultados do informe PISA?

DÍA INTERNACIONAL DAS PERSOAS CON DISCAPACIDADE

O día tres de decembro celebrouse o "Día internacional das persoas con discapacidade", aquí vos deixamos este fermoso vídeo arredor do tema baseado no conto da autora Isabelle Carrier e coa melodía da banda sonora de Up - "Married life" de Michael Guiacchino- moi na liña da novela gráfica que están lendo os nosos chicos no Club de banda deseñada: "María y yo".

Creo que ambos, o conto e a novela axúdan a sensibilizarnos con estas persoas:

Premiado o ourensán David Rubín na categoría de "mellor obra estranxeira" na República Checa

Se David Rubín xa levara no 2006 o gran galardón do Salón do Cómic de Barcelona pola súa obra “La tetería del oso malayo”, e no primeiro trimestre deste ano o premio ao “mellor autor completo” no festival Fullcómics en Sarzana (Italia), agora acaba de recibir o premio á “mellor obra estranxeira” na Repúbica Checa, en concreto, no Komiksfest de Praga. Parabéns David! Estamos moi contentos e pensamos que o mereces moito!

Por outra banda, “La tetería del oso malayo” en breve estará nas librerías de Francia traducida ao francés.

Destacamos a recente estrea do documental sobre David Rubín, Radiografía dun autor de tebeos, dirixido por Marcos Nine. O ourensán de BD, David Rubín, plasma nunha historieta como se sente no momento en que a súa vida está a ser gravada para un documental. Aí vos deixamos co Trailer...

THE SHELTER EFFECT : Para reflexionar

Imaxina.....Ang y Chan viven cos seus dous fillos, nun refuxio de bambú, eles son pobres.....pero autosuficientes......Eles pescan....cultivan arroz e crían aves de corral.... Cada ano as choivas veñen....a casa anégase....... durante unha semana enteira durmiron baixo teito..... eles gastan un 10% dos seus ingresos anuais.....para reparar e limpar o chan.... Pero un ano, as inundacións viñeron dúas veces.....

Al año siguiente, la lluvia se quedo por un mes entero, y al otro año por 3 meses.....

Loitando por sobrevivir... Malaria..... Auga Contaminada...Sen cartos.... Mosquitos...Diarrea...

...A COMUNIDADE NECESITA AXUDA....                        AGORA....

Imaxina... o refuxio levantado dous niveis máis arriba..... tratando a madeira para resistir a auga e construíndo un piso de concreto..... O vindeiro ano, a choiva vén outra vez pero.......a casa non se estropea..... o chan seca rapidamente....

Xuntos constrúen outro cuarto, unha  solaina (varanda, terraza) e un valado para o gando.....

A Comunidade compra terreos... para unha nova escola.... A Comunidade vive Segura e con Dignidade.......

Este é o efecto de dous pasos..... Este é o camiño para refuxios seguros....

Este é o efecto Refuxio.

O SAMAÍN: Os contos do mestre CARLOS

Seguindo a tradición de anos anteriores, esta semana visítanos o mestre Carlos Núñez Pombo para agasallarnos con algúns dos seus contos relacionados co Samaín e co mes dos defuntos, amosándonos moitas das facianas das tradicións máis nosas. Os chic@s de 1º de ESO serán depositarios destas fermosas historias para no futuro contárllelas aos seus fillos e os seus netos e preservalas así do paso do tempo e do olvido. A primeira das historias fala precisamente do tempo, do calendario e dos celtas, de como celebraban os druídas a chegada do inverno, tempo no que os espíritos dos mortos visitaban as súas casas e eran esperados e conducidos no camiño polos vivos mediante unhas balizas de luz, uns calacús baleiros que contiñan unha candea: o SAMAÍN.

Esta festa cristianizouse, foi levada máis alá do mar polos irlandeses e voltou a nós desde alén mar con outro nome: HALLOWEEN.

Despois desta introdución, o noso mestre narrounos a historia de "A tía María, a cuca", a de "Xosé, o señor", a de "Farruco de Lucas",.. e algunha máis, todas cheas de tradicións -todas na mellor liña cunqueiriana (o marabilloso e a realidade)- cheas de refráns e demais, como este tan fermoso: "Polo San Martiño, os trompos saen ao camiño". Benvido sexa o mestre e as súas historias!!!!

Estas son algunhas conclusións que a CITA extrae sobre o uso dos ordenares na aula: Conclusiones Focus Gropu

En 4º de ESO lemos MAQUINARIA de Carlos Negro e escoitamos a Bruce Springsteen

Create a playlist at MixPod.com

TREBOL

CENTENARIO RICARDO CARBALLO CALERO

A importancia do uso RESPONSABLE da AUGA

Desde "Educación sen fronteiras" fannos chegar este fermoso vídeo sobre o uso da auga e baseado nun mito ayoreo para que lle deamos difusión; aquí volo deixo, merece unha boa reflexión:

IMOS LER: RECKLESS

Para comezar o curso imos introducirnos nun mundo misterioso, marabilloso, cheo de seres míticos e de obxectos máxicos, moi achegado ao imaxinario popular e ao mundo dos contos clásicos. Aquí temos unha discreta guía de lectura:

Reckless

View more presentations from bibliotecaiespoio.

Ás de bolboreta: 3.4. TEST DE MEMORIA LECTORA

Ás de bolboreta: 3.4. TEST DE MEMORIA LECTORA

GÚSTAME LER

lComezamos o novo curso con este fermoso vídeo sobre a lectura da Editorial Randomhousemondadori, por ir abrindo bocaaaa, este ano espérannos suculentos e deliciosos pratos na HORA de LER.

Deixounos José Saramago

Con grande tristeza perdemos hoxe ao noso entrañable escritor, premio Nobel de literatura en lingua portuguesa José Saramago; moitas foron as horas nas que gozamos lendo as páxinas das súas obras, desde o Memorial do convento até a súa derradeira novela Caín. Queremos desde aquí facerlle unha pequena homenaxe, el deixounos mais as súas palabras estarán con nós sempre:

" D. Joao, quinto do nome na tabela real, irá esta noite ao quarto de sua mulher, D. Maria Ana Josefa, que chegou há mais de dois anos da Áustria para dar infantes à coroa portuguesa e até hoje ainda nao emprenhou. Já se murmura na corte, dentro e fora do palácio, que a rainha, provavelmente, tem a madre seca, insinuaçao muito resguardada de orelhas e bocas delatoras e que só entre íntimos se confia..." así comeza "O memorial do convento" (Era uma vez un rei que fez a promessa de levantar um convento en Mafra. Era uma vez a gente que contruiu esse convento. Era uma vez um soldado maneta e uma mulher que tinha poderes. Era uma vez um padre que queria voar e morreu doido. Era uma vez).

PREMIOS DO CONCURSO PALABRAS E CORES

Open publication - Free publishing - More news

PALABRAS E CORES: MARCALIBROS DE 1º E 3º DE ESO

Aquí temos os traballos que os nosos alumnos de 1º e 3º de ESO realizaron na aula de PLÁSTICA para celebras as Letras Galegas.

APRENDER A APRENDER

Sobre competencias e capacidades, sobre educación e aprendizaxe, desde a biblioteca queremos abrir un debate sobre ALFIN ( Alfabetización informacional), baseándonos nun artigo de Javier Martínez Aldanondo publicado na páxina de ALFIN en Arxentina (http://alfinargentina.blogspot.com/2010/05/5-mandamientos-para-la-educacion.html ) do que destacamos as ideas fundamentais:

A educación debe estar orientada ao traballo? É evidente que a educación ten que preparar ás persoas para o mundo do traballo. Obviamente, non educamos só para traballar, o fin último da educación é preparar aos xoves para a vida en toda a súa amplitude e riqueza. Onde realmente se deben producir cambios drásticos é dentro das aulas:

1. Primeiro mandamento. A motivación é a enerxía da aprendizaxe (para aprender hai que querer aprender, as persoas só queren aprender o que lles interesa; en xeral, cando un rapaz entra en clase desconéctase por que só está interesado en aprender o que necesita para conseguir o que lle interesa, ou cando o que sabe xa non é suficiente.) A escola e a universidade deben deseñar curriculums pensados nos obxectivos dos seus clientes; na educación non é abondo con saber o qué, hai que entender o por qué.
2. Segundo mandamento: As persoas aprenden facendo e non escoitando ou lendo... canto máis fala o profesor menos aprenden os seus alumnos... se o teu plantexamento considera o que necesitan facer os alumnos terá que ver con actividades e tarefas.
3. Terceiro mandamento: O erro é o elemento esencial para a aprendizaxe... cando se produce o erro de maneira inconsciente e inevitable, facémonos preguntas para saber que acontece, porqué e como podemos resolvelo. hai que deseñar programas de aprendizaxe que provoquen o erro coa fin de detonar o proceso de reflexión que conduce á aprendizaxe.
4. Cuarto mandamento: Non hai habilidade máis importante que aprender (O que somos depende do coñecemento que temos, se non aprendes morres e para aprender son moi importantes as preguntas que te fas. A escola está chea de preguntas que non te fas). Unha das principais funcións da escola e dos profesores é transmitir aos alumnos a paixón por aprender.
5. Quinto mandamento: Engadir tecnoloxía a un modelo que non funciona non só non o mellora senón que o empeora. Hoxe é imposible traballar sen o apoio da tecnoloxía e vai resultar imposible aprender sen a súa axuda ( Un profesor con 30 alumnos con ordenadores ten que cambiar o paradigma e dar aos seus alumnos cousas que practicar e non cousas que saber). A crise da educación é un espello da crise do modelo de sociedade; os seres humanos non fomos moi afortunados á hora de deseñar procesos educativos masivos.

A educación é o proceso de preparar aos seres humanos cara ao futuro e non hai nada máis importante. Hai demasiadas cousas que mellorar na aula como para atender ao que se atopa fóra dela.

LETRAS GALEGAS 2010

Open publication - Free publishing - More sun

FOLLARASCA DE UXÍO NONONEYRA

Open publication - Free publishing - More uxio-novoneyra

Fonte: Loly Lago do IES O Segrel do Penedo de Fene.

UN LIBRO, UN CARAVEL

De novo, O DÍA DO LIBRO, os libros da biblioteca quixeron saír dos andeis; como o tempo non nos favorecía tivemos que ficar na entrada, nas escaleiras, e en todos os lugares posibles, (estas chicas da dirección, María e Elena que nos organizaron persoal e espazos dun xeito orixinal e eficaz, como vedes nas fotos). Profes e alumnas, en compartida tarefa, man a man realizaron o préstamo e distribuíron os carabeis; tod@s colaboraron e disfrutaron cos libros e coa lectura, como debe ser nun día de festa.

Parabéns para tod@s.

DÍA DO LIBRO

Aquí temos os traballos do día do libro dos alumnos de 1º de ESO: Jonathan, Eva, Silvia, Belén, Carmen, Álvaro, Alicia, Nerea, Óscar, Adrián, Silvia, MFRS, Rebeca, Judith, Jessica, Alex, Joel, Jaime e Sara e moitos máis.

Parabéns para todos, polos seus traballos e polas súas opinións sobre a lectura, seguro que no futuro serán uns marabillosos lectores.

O ROTEIRO DA PRAIA DOS AFOGADOS

O mércores día 15, dentro dos actos programados pola nosa biblioteca para conmemorar o Día do Libro infantil e xuvenil, realizamos con outros IES de Galiza ( das Neves, Viveiro, Pontevedra...)o roteiro organizado arredor da trama da segunda novela de Domingo Villar "A praia dos afogados" que transcorre en escenarios como Vigo ou PANXÓN.

O tempo acompañounos regalándonos un fermoso día de primavera; chegados a Panxón fomos recibidos polos amables representantes da Editorial Galaxia (Fernando e Iolanda), entidade organizadora do roteiro, e tivemos o encontro co escritor Domingo Villar que nos contou a súa traxectoria ata chegar a ser escritor(" Sempre quixen escribir, sempre fun contador de cousas... as miñas novelas son contos de amor a unha terra, disfrazados de novela negra").

Dalí nos diriximos a Monteferro onde nos esperaba o noso experto en toponimiaXosé Lois Villar, despois dunha curta pero agreste camiñada polo monte, coas illas Cies como marco, falounos da toponimia da novela, de como os mariñeiros se orientan no mar, de como botan as nasas e como as recuperan sempre arredor da trama da novela.

De volta en Panxón, recibiunos a actriz Ana Carreira que dirixiu os nosos pasos polo pobo e pola novela: a praia dos afogados, a igrexa votiva de don Xosé, e moita imaxinación, posta en escea impecable...

Ás dúas, o xantar e moita praia, despois da mañá literaria era de merecer, e moitas novas: Domingo Villar está preparando a terceira entrega do inspector Leo Caldas e xa hai productora de cine para o filme de A praia dos afogados... as nosas cábalas: o actor Luís Tosar sería ideal para encarnar a Leo Caldas, non si????????

Fran Alonso no IES de POIO, celebración do Día do libro infantil e xuvenil.

Esta tarde tivemos con nós a un orador de excepción para celebrar o Día do libro infantil e xuvenil: Fran Alonso e os seus Males de Cabeza.

Durante máis dunha hora o escritor respondeu ás preguntas dos nosos chic@s, Por que non subiu ao tren a Señora Lola? Cal é o seu relato preferido? Hai algo de machismo en Domesticum bellum?... e fixo a súa especial aportación á nosa celebración: Os libros nos proporcionan liberdade, axúdannos a ter múltiples perspectivas, a coñecer máis cousas por nós mesmos; en Males de cabeza falo, por exemplo, do medo a tomar decisións, dos medos que xeneran crises, neuroses, o mundo que nos rodea é un pouco neurótico.

A literatura é prescindible, ler é imprescindible; a literatura para divertirse, o humor, e en Males de cabeza hai moito de humor.

Para rematar o encontro cun broche de ouro, Fran Alonso leunos o manifesto do día do libro, o fermoso texto sobre a lectura de Eliacer Cansino:

" non esperes máis, estende a túa man, toma un libro, ábreo, le"

PROGRAMA do DÍA DO LIBRO INFANTIL E XUVENIL

O vindeiro luns celebraremos na nosa biblioteca o "DÍA INTERNACIONAL DO LIBRO INFANTIL E XUVENIL" que conmemora o nacemento de Hans Christian Andersen; a nosa biblioteca uniuse a distintas organizacións como a OEPLI (Organización española para o libro infantil e xuvenil) ou GALIX (Asociación galega do libro infantil e xuvenil) para celebralo; estes son os actos que realizaremos con ese fin... cal?????? o de fomentar a lectura, claro.... • Lectura do manifesto pola lectura do escritor ELIACER CANSINO e o cartel de NOEMÍ VILLAMUZA que este ano preparou a OEPLI, e que en todos os países do mundo se lerá ás 12,00 horas ou ás 18,00 horas do día 12 de abril. • Encontro dos alumnos de bacharelato co escritor galego Fran Alonso, autor do libro de relatos “Males de cabeza”. • Exposición escolar sobre o tema de literatura e cine.

Aquí vos deixamos un pequeno fragmento do manifesto: “Así que… non esperes máis, estende a túa man, toma un libro, ábreo, le: descubrirás, igual que na canción da miña infancia, que non hai barco, por pequeno que sexa, que en pouco tempo non aprenda a navegar.” Eliacer Cansino

COPIAR, PEGAR E PODER MODIFICAR: A ARTE DO HIP-HOP

O HIP-HOP ACOMPAÑOUNOS esta mañá no IES de POIO, concerto e mesa redonda sobre música e compromiso social. Aprendemos de formas contaculturais: Rap, Graffitty, música electrónica, dous vinilos e unha mesa de mezclas, un ritmo que sigue; optamos polas artes positivas, Paz e igualdade=Positividade. As artes do hip-hop como AUTOESTIMA (PARA AXUDARTE, PARA ANIMARTE); usamos a palabra en forma de RAP para dicirlle ao mundo o que temos que dicir sen censuras.

View all

Get your own

Un encontro de mulleres para salvar ás mulleres: Valencia 2010, Encontro de mulleres por un mundo mellor España-África

Concluíu en Valencia o V encontro de mulleres españolas, europeas, africanas, comprometidas na loita pola igualdade que plasmaron os seus compromisos nun documento no que suscriben impulsar o número de mestras en varios países africanos.

Informa o xornal O País da asistencia de dúas xefas de estados moi distintos e contrapostas: Tarja Halonen de Finlandia ( 53 millóns de habitantes e PIB per cápita 34.769€) e Ellen Johnson-Sirleaf de Liberia (3,4 millóns de habitantes, PIB per cápita 220€); ante a pregunta "Cales son as prioridades na loita pola muller nos seus países?" as respostas son :

- Ellen Johnson: "A alfabetización das nenas e a protección contra a violencia sexual".

- Tarja Halonen: "Tivemos éxito en educación e sanidade mais fáltanos traballar na promoción das mulleres para que ocupen máis cargos directivos".

Continúa o País na Análise de Berna G. Harbour:" Ser muller comprometida en Finlandia é loitar porque as mulleres poidan compartir o poder en empresas, en política ou na vida. Ser mulller comprometida en Liberia é loitar para que non as violen ou se o fan, polo menos que non as maten"

(Documental " Ellas son África" : http://www.rtve.es/mediateca/videos/20100322/ellas-son-africa-ejemplos-mujer/725884.shtml).

A declaración de Valencia afirma que a falta de vontade política e a insuficiencia de recursos impiden o libre exercicio dos dereitos humanos das mulleres en África, polo que é imprescindible consolidar modelos sociais que procuren a igualdade.

Os acordos en materia de ensino (fomento da educación), sanidade (formación de enfermeiras e matronas) están sobre o papel, cadaquén que reflexione sobre estes feitos e como poderemos nós paliar as consecuencias.

(Fontes: EL País, 28/3/10; adn.es ( http://www.adn.es/printVersion/ADNNWS20100328_0576/31); V encuentro España África ( http://www.xn--africanasyespaolas-00b.es/).

Celebración de UXÍO NOVONEYRA : "Os eidos" quinta esencia da natureza e da comunión do home coa natureza e coa patria. (Xosé L. Méndez Ferrín)

Hoxe tivo lugar en Pontevedra o acto "Celebración de Uxío Novoneyra (1930-1999)", presentou Anxo Lorenzo, secretario xeral de Política Lingüística que informou sobre o contido do caderno Ramón Piñeiro nº XIV, ao que se referiu como "libro fermosamente traballado que lle encantaría ver a Uxío Novoneyra".

A seguir tomou a palabra Herminio Barreiro que citou: "se Deus falase galego sería coa voz de Uxío Novoneyra", " con Uxío pódeme o personaxe, a súa capacidade de ensoñación, lírico, épico..." .

Daniel Pino afirmou coñecer a voz antes cá persoa, "Uxío fíxome amar e ensinar a poesía desde unha perspectiva de voar alto e pisar a terra, e que o meu idioma era a lingua que agora alguén segue a terlle medo (...) Saúde onde esteas, amigo. "

Luís Cochón continuou citando ao poeta: "En poesía non debe haber palabras sobrantes".

Xosé Luís Méndez Ferrín realizou unha fermosa viaxe pola poesía de Novoneyra: " O preludio desde a poesía á soidade do individuo, as palabras que parten do corazón que se sinte individual e único no mundo". Na traxectoria do vate destaca os anos 50 cando Uxío decide que os poetas galegos debían ter un nome unido ao lugar de procedencia (e só o fai Avilés de Taramancos), do 57 son os textos oratorios.

En Madrid - continúa Ferrín- Novoneyra abrése a outra dimensión poética, o ton elexíaco, dramático da súa poesía, a dimensión política e revolucionaria: o poeta é revolucionario dentro da revolución e revolucionario na poesía ( Vietnam canto: os imperios poden ser vencidos e humillados polos pobos).

Nos 60, A letanía de Galiza e finalmente a retirada ao Caurel, a última xeira, insiste na caligrafía e nos aspectos plásticos.

Remata Ferrín a súa especial homenaxe a Novoneyra dicindo que foi excluído da Academia Galega coma outros grandes poetas (Celso Emilio Ferreiro por exemplo) pero afirma que iso non volverá acontecer.

Picasso e Celso Emilio Ferreiro: A simbiose da arte (pintura e poema)

II

De súpeto, nos límites lonxanos do horizonte

fitou o resprandor dunha cidá en chamas

semellante a un remoto mencer amarelo.

De enriba baixou un rumor de treboada,un xordo bruído de río enrabexado,

coma un rouco balbordo cubrindo a paisaxe.

Oubeou un can nos arrabaldos,e comenzaron os lóstregos.

O fume,coma unha palmeira xigantesca

abriu os seus brazos ardentes

i esparexeu pola bóveda celeste

un escuro anuncio de morte.Asubíos e lóstregos.

Os paxaros da tarde

caíron mortos cal follas de outono.

A sireia da fábrica ergueu o seu chifro

fendendo en dous anacos o día tépedo,

o día húmido e íntimo con sabor de beixo.

Lóstregos.

(Alcendeuse a bombilla).

Unhas maus deformes afirmaron os cotobelos

no aire estremecidoe un retablo de caras esmaceladas,

mirando para o cumio, increparon aos dioses.

Queimada carne, pernas, pés, ferraduras...

Un touro axexante, coma un Minotauro perdido

nun laberinto de brazos, rostros, pernas, seos tumefactos,

muxía longamente.

(Apagouse a bombilla).

Un cincel rotoprocramou a súa protesta.

Un cabalodislocado, desbocado, agallopou frenético

sobre os cascos de pedra e nitroglicerina.Lóstregos.

Fedía a cortello misturado con cloaca e xofre.

(Alcendeuse, apagouse a bombilla).

Viuse e non se viu unha paisaxede brazos, rostros, pernas, dedos,

tellas, seos, portas, aramios...

Lóstregos e os derradeiros estoupidos.

Dempois, nada. Silencio. Un mesto silencio

de noite nevada ou de terra erma.

Xorxe, meu vello amigo:Ti que estás cos que sofren a historia

i en contra dos que a escriben,

¿como fuches parar á tropa?

Soldado de Longa noite de pedra. Celso Emilio Ferreiro.

Homenaxe a Agustín Fernández Paz: "O don verdadeiro está nas persoas que fan de intermediarios ao transmitir as historias"

O pasado sábado tivemos o privilexio de asistir á homenaxe que, no marco do Salón do libro infantil e xuvenil de Pontevedra, se lle adicou ao escritor Agustín Fernández Paz. Resultou un acto moi emotivo, para o autor e para os asistentes.

O seu amigo e escritor Xabier Docampo regalouno cun tenro discurso xogando coas letras do alfabeto: A de amor, B de buxo, C de canto (avance estilístico do relato e que ti sexas o cantor), D de dar (por darnos unha obra literaria e pola túa entrega á literatura), E de estrelecido (a túa obra é luz para o camiño da vida), H de honradez (a túa obra é un labor honrado), I de irmao dito á chairega, L de lembranzas (a literatura trata da longa memoria de todos nós), Q de queiroga ( ofrézoche unha flor da carqueixa en imaxe), R de Raquel (seis personaxes da túa obra), V de Valente polo escritor ourensan.

Respostoulle Agustín con palabras de José A. Valente "o que dá a palabra dá un don", agradeceu a compañía dos presentes e dixo sentirse moi afortunado. Indicou que cada inverno en Pontevedra florecen os libros no Salón do libro e facendo referencia ao tema central do salón concretou: "as cidades son o ámbito para que florezan a liberdade e a solidariedade.

A seguir contounos que os seus libros son resultado dun traballo teimudo e obsesivo, "pasei unha boa parte da miña vida contando historias, as nosas historias creadas cos fíos da vida e a miña vida está nas historias"

Concluíu dicindo que " O don vedadeiro está nas persoas que fan de intermediarios ao transmitir as historias: bibliotecarios, editores, libreiros, pais e nais.".

Pechou o acto a concelleira de Cultura de Pontevedra facendo referencia ao importante número de visitantes do salón nesta edición, agradecendo a colaboración de todos os que axudaron a que fora posible e facendo unha referencia aos malos tempos que sopran para o galego coa presentación ese mesmo día do Decreto do galego.

RES IN PACEM: Homenaxe a Miguel Delibes

Hoxe, fóisenos Miguel Delibes un dos mellores escritores en español da xeración da posguerra; nós desexamos facerlle esta pequena homenaxe desde o IES de Poio, e ningunha mellor que lembrar as súas obras que nos acompañárán sempre. Grazas Miguel Delibes.

" Y el ventanuco iba oscureciéndose y el valle se tornaba macilento y triste. Y ellos seguían discutiendo sin advertir que se hacía de noche y que sobre el tejado de pizarra repiqueteaba aún la lluvia y que el tranvía interprovincial subía ya afanosamente vía arriba, soltando, de vez en cuando, blancos y espumosos borbotones de humo, y Daniel, el Mochuelo, se compungía pensando que él necessitaba una cicatriz y no la tenía, y si la tuviera, quizá podría dilucidar la cuestión sobre si las cicatrices sabían saladas por causa del sudor, como afirmaba Tiñoso, o por causa del hierro, como decían el Moñigo y Lucas, el Mutilado." El camino, 1950.

Los santos inocentes , 1982:

Cinco horas con Mario, 1966: Res in pacem, Miguel Delibes.

PENSA ANTES DE PUBLICAR!!!!!!!!! A SEGURIDADE EN INTERNET

O pasado mes de febreiro celebrouse o "Internet Safer Day - Think B4 U Post", o Día internacional pola seguridade en Internet coa finalidade de promover o uso seguro e responsable das novas tecnoloxías entre menores e adolescentes.

Tics, foros, blogs e redes sociais permiten a publicación de fotos, artigos, opinións... e interactuar deixando comentarios, subir fotos, vídeos sen que sexamos conscientes, as máis das veces, das consecuencias; isto pode convetirse nunha arma con dobre gume (fomentar a creatividade ou danar e ferir aos outros).

Para evitalo debemos:

- Configurar adecuadamente as opcións de privacidade da rede.

- Facer unha selección de contactos e amigos.

- Pensar nas consecuencias antes de publicar, subir unha foto, vídeo, un comentario, etc.

- Solicitar o permiso das persoas que aparecen nas imaxes ou ás que se cita nos comentarios.

Seguindo estes pasos evitaremos danar a outras persoas, a compañeiros que se poden sentir avergoñados ou ofendidos polas nosas actuacións.

Podedes atopar máis información nestes enlaces:

Oficina de Seguridade do internauta: http://www.osi.es/Protegete/Menores_protegidos/

Centro de respuestas a incidentes en TIC para Pymes e cidadáns: cert.inteco.es

( fonte: Pesonal Computer & internet)

ENSAMBLAXES DE MADEIRA

TRABALLOS DE TECNOLOXÍA DE 2º ESO

ENTROIDO 2010

RADIO PATIO POLA PAZ

As fotos da conferencia de Rosa Aneiros

"As novelas son coma árbores, un tronco inicial e moitas ponlas" ROSA ANEIROS

No día de onte visitounos a escritora ferrolá ROSA ANEIROS, dialogou con nós e contounos moitos detalles sobre como crea as súas historias: "Aprendín do meu padriño" di Rosa, "O máis bonito de literatura é o momento en que alguén me conta o que lle gustou ou non lle gustou do meu libro.". Deu recomendacións aos alumn@s como "É importante aprender a escoitar e aprenderás a escribir" ou "Non é importante o que contas senón como o contas". Sobre o proceso de creación de Resistencia dixo: " Todas as historias naceron dun xeito distinto: "Resistencia naceu cando estaba de vacacións en Portugal e visitei o museo de Peniche", " Tiven que documentarme sobre a historia portuguesa" ou "Unha novela non remata nunca cando os autores poñen o punto final, existen milleiros de finais para esta novela". Sol de Inverno " nace da necesidade de contar Cuba pola memoria do meu padriño, a cidade que viran os exiliados e emigrantes cando chegaron alá" Ás de bolboreta "nace por contraposición a Sol de Inverno, unha mañá nunha cafetería e os cruces de historias nesa mañá; quería contar que o alleo non sempre é malo, a dor e a alegría dos personaxes. Son historias do xornal e do telexornal de todos os días". Para a autora o máis bonito da creación é o 1º momento cando unha idea a sobrecolle e o momento de compatir as obras cos lectores; para nós os lectores foi un pracer compartir persoalmente con ela as súas obras: Grazas, Rosa.

ROSA ANEIROS visitará o IES de POIO

O vindeiro mércores, 27 de xaneiro recibiremos no noso centro á escritora Rosa Aneiros:

Rosa Aneiros Díaz (1976) naceu no concello de Valdoviño. Xornalista de profesión, colabora de forma habitual en distintos medios de comunicación impresos e electrónicos, entre eles, culturagalega.org e a Axencia Galega de Noticias.

É autora da novela xuvenil “Eu de maior quero ser” (1999) e do libro de relatos “Corazóns amolecidos en salitre” (2002). Tamén publicou relatos en diversos volumes colectivos: “Narradoras” (Xerais, 2000); “Mini.relatos” (1999), “De soños e memorias” (2003), “Seis narradores ferroláns” (2003), “Narradio. 56 historias no ar” (Xerais, 2003) ou “Sempre mar. cultura contra a burla negra” (2003).

No seu haber conta con recoñecementos como o premio Manuel Lueiro Rey (1996); o Modesto Rodríguez Figueiredo (Pedrón de Ouro, 1998); o Manuel Murguía (2001) ou o Carvalho Calero (2001).

A súa novela “Resistencia” (Xerais, 2002), foi reeditada xa en tres ocasións, ademais de recibir o Premio Arcebispo Xoán de San Clemente en 2003 e ser traducida ao portugués pola editorial Dom Quixote. A súa novela “Veu visitarme o mar” (Xerais 2004) pasou desapercibida malia tratar o tema do Prestige.

Actualmente vén de recibir o Premio Xerais de novela 2009 pola súa obra SOL DE INVERNO, na miña opinión a obra máis madura temática, estética e estilisticamente de Rosa, que nos traslada á época da posguerra, dos campos de refuxiados en Francia e do exilo en CUBA da man de Inverno, a súa sensible e comprometida protagonista.

Tamén acada o premio de narrativa xuvenil de Caixa Galicia pola novela Ás de bolboreta, un fermoso panorama de personaxes que teñen en común estar relacionados cun bar, unha galería que nos achega aos problemas da emigración, da soidade da vellez, da maternidade e a cooperación pacifista, do terrorismo islamista, etc.

Benvida ao IES de POIO, de certo que os nosos alumnos disfrutarán coas túas palabras.