Na materia de "Educación para a cidadanía" e na "Titoría"de 2º de ESO A están acontecendo cousas moi interesantes: O alumnado reunido en asamblea está desenvolvendo un proxecto que ten coma obxectivo final costear a súa excursión, isto non é novo, a innovación está en que o alumnado constituído en asamblea propón, debate, vota e decide democraticamente as propostas duns e doutros, desde o obxectivo final ás prácticas todo se debate, todo se vota (tres votos en contra anulan as decisións).
Desde a elaboración dunha Constitución coas súas normas adaptadas, o estudo do sistema de debate, a elaboración de argumentos, as falacias... todo un exemplo de modelo de cidadanía ata a creación de textos formalizados para comunicarse coa Dirección do centro e co Concello de Poio, assolicitudes de audiencia cos seus representantes no Concello ou a organización da Rolda de prensa, todo está nas súas mans.
Coordinando todas as actuacións o seu profesor de Cidadanía, o seu titor: Jorge Abel que con moitas enerxías marca as pautas, que non dirixe, os pasos dos seus rapaces e rapazas. Peromellor será que os escoitedes na rolda de prensa que antonte celebraron os rapaces e rapazas (acompañados do seu profesor e do sr. Alcalde de Poio por convite dos propios alumnos e alumnas).
Proxecto asambleario 2º ESO A on PhotoPeach
No hay comentarios:
Publicar un comentario