Breve panorámica da LIX no século XIX. Gemma Luch

Historia de la Literatura Infantil y Juvenil. Siglo XIX from Gemma Lluch

OBRADOIRO DE POESÍA 2013

Estes son os resultados do taller de poesía organizado para 3º de ESO, co gallo de celebrar o 21 de marzo.

A partir de 5 substantivos escollidos aleatoriamente (unha muller, unha praia, unha laranxa, unha gueivota e unha pluma) asociaron aos mesmos 5 adxectivos evocadores e logo crearon a partir deles un pequeno poema en versos libres; estas son as súas creacións:

8 de Marzo: Lecturas para todo o ano.

Desde o CPI PROGRESO de CATOIRA nos chega esta mágnifica selección de lecturas sobre mulleres, por que todos os días poden ser o Día da Muller. Graciñas Nine polo traballo compartido:

http://lecturoliteraturo.blogspot.com.es/2013/03/lecturas-para-un-8-de-marzo.html

8de Marzo: Mulleres anónimas (twits e microcontos)

8 de marzo: Día da muller traballadora. Muller e poesía.

125 aniversario de OTERO PEDRAYO

Foto de Suso Díaz.


Ramón Otero Pedrayo (Ourense 1888- 1976):
http://bvg.udc.es/ficha_autor.jsp?id=RamOtero&alias=Ram%F3n+Otero+Pedrayo

Obras:
http://bvg.udc.es/ficha_autor.jsp?id=RamOtero&alias=Ram%F3n+Otero+Pedrayo&solapa=obras

O pan e o viño dividen en mil anacos o carácter xeográfico e humano do chan galego, non separados, senón penetrándose e dividíndose en compiladas figuras. Para nós o pan é o centeo, e o viño, o da cepa vella, de cepa torta, como osatura dun patriarca. En Ourense inda miramos as "americanas" como un fato de damiselas neuróticas, víctimas do surmenage e necesitadas de todas as drogas para botar o viño. 0 centeo cereal de inverno, pasa por tantas calamidades como o paisano que o procura. Aguanta xiadas, neves, chuvias, nace entre il, se chove moito, un lameiro de xaramagos, senradelas e gramas; cando está vizoso e alto, tremando co vento en ondas conmovidas, o paisano, sempre pesimista, di: "pasa moitas noites fóra". Recólleo con cariño especial, porque é o recurso de facenda doméstica, xa polo gran que se garda na arca tradicional coma pola palla que serve para tapar a chouza, anoar o fachico e facer o leito para a paridura da porca. 0 paisano tenlle máis le¡ ao centeo que ao millo. Antes vivía de pan, castañas e viño. As castañas e o pan caracterizan os altos chans graníticos, abertos, de inverno duro, onde o cuco chega máis tarde, e a vida só va¡ ben na horta do curo ou nos abrigos do pazo. 0 millo simboliza a alianza atlántica. Petulante, guapo, co seu pompón dominador e a súa exaltación sexual, contrasta coa castidade e modestia do centeo. É o presente das Américas ás terras húmidas de Europa: o seu ouro parente daquil lendario asolagado nas augas de Vigo.

0 labrego do pan e do viño son moi diferentes; a agricultura das cepas require unha coñecencia fonda das leis atmosféricas, un enxeño e unha técnica oportunistas: ao contrario do cultivo do centeo, máis suxeito a leis invariables.

                                                               (R. Otero Pedrayo, 1947 [La Noche, 23 XII 1947])

O noso "Día de Rosalía" na prensa.

(Diario de Pontevedra, 26/02/13)

E no CASTROVE, voceiro dixital de Poio:

http://ocastrove.org/poio-grande/poio/poio-grande/lembrando-a-rosalia

150 anos de Cantares Gallegos: todos con Rosalía

O noso  agradecemento á Concelleirade Cultura, Silvia, á Concelleira de Educación, Alicia, á profesora Mercedes Noya, aos alumnos de 1º de ESO D, a Jenny e a Mar por participar e á profesora Gabriela de los Santos por coordinalos a todos.

Cantares fronte á adversidade. Constelación poética nos 150 anos de Cantares gallegos.

Programa para a celebración dos 150 anos de Cantares gallegos na biblioteca do IES de Poio

O vindeiro venres teremos na biblioteca unha celebración moi especial, os 150 anos da publicación de Cantares gallegos de Rosalía de Castro (1863-2013), o primeiro poemario escrito en galego despois do silencio dos Séculos Escuros.

Para lembralo un grupo de alumnos de 1º de ESO D coordinados pola profesora Gabriela de los Santos e un par de alumnas de 2º de bacharelato A, teñen preparado para nós un pequeno festival de poesía e música.

Tamén nos van acompañar nesta festa da poesía as concelleiras de Cultura e Educación e a bibliotecaria da Biblioteca Municipal, todas elas do noso concello de Poio.

Esperamos que todos e todas gocedes desta celebración, seguro que de Rosalía se atopar entre nós recitaría un dos seus poemas na nosa compaña.

Así mesmo ese día publicaremos nos blogs da biblioteca o traballo dixital “Cantares fronte á adversidade. Constelación poética” elaborado para esta data, colaborativamente, polas coordinadoras de biblioteca do IES Ribeira de Louro (Porriño) e a coordinadora da nosa biblioteca.